Pasta cû nìuru dâ sìccia.
1 Kg. di sicci, chi s'hannu a pulizziari livànnucci l'ossa e i budedda, ma sarvannu sani i buzzitti cû nìuru; 1 cipudda 'rossa, 2 spicchi d'àgghiu, 150 gr. di pummadoru cuncintratu, un pugnu di putrusinu tritatu, sali e spezzi quantu basta, ògghiu d'aliva abbunnanti, carchi fògghia di làuru.'Nta 'na cazzalora si fannu 'sciucari a sulu i sicci tinennula chiusa cû cummògghiu. Jùnciri ògghiu abbunnanti, 'a cipudda tritata, i du' spicchi d'àgghiu, 'u putrusinu e sali. Fari 'ndorari e poi sfumari cu 'na picca di vinu iancu, tinennu 'a cazzalora sempri cû cummògghiu chiusu. Jùnciri poi I'estrattu di pummadoru e acqua pi quantu cci nni voli e spezzi nìuru. 'Spittari chi bugghi e jùnciri 'u nìuru (senza i buzzitti) e fogghi dû làuru. Fari còciri a focu lentu fino a chi si otteni un sucu strittu. Cociri a parti i spavetti, sculàrili e cunnìrli cu 'stu sucu.
