Frìjri cincu o sei milinciani fatti a pizzudda. Quannu si finisci di frìjri si mettunu 'ntôn piattu lassannu 'ntâ padedda 'na picca d'ògghiu di frittura, unni si suffrìjunu i cimi di dui o tri pedi d'àccia tagghiati a pizzudda e 'na cipudda 'ffiddiata. 'Nta st'ògghiu chi frij si metti un biccheri di sarsa di pummadoru, menzu biccheri d'acitu, un cucchiaru di zùccaru e un cucchiarinu di sali.
Si fa còciri pi deci minuti a focu lentu. Poi si jùnciunu i milinciani fritti, 'na para 'i cucchiarati di chiàppiri salati, un pocu d'alivi ianchi senza nòzzulu, e si lassa 'nsapuriri tuttu pi pochi minuti.
C'è cchiù piaciri a manciàrili friddi.
